شو يعني "سهم" أصلًا؟

تعالي نعرّف: شو يعني “سهم”؟

شو يعني اسهم؟ سوق اسهم؟ شو هاد الاشي اللي كل البورصة مبنيّة عليه؟

اكيد سمعتي هاي الكلمات مليون مرة من قبل بس مش عنجد فاهمة شو هي

(دونت ووري، وانا كنت هيك قبل ما أبدا سيرورتي المالية 😅)

سو، الشركات مرات بتحتاج كاش. مصاري بالإيد 💵. كيف بنفع تجيب كاش؟

• يا بتوخد قرض

• يا بتعمل جولة تجميع مصاري من مستثمرين

• يا… بتبيع اسهمها!

شو القصد؟

نفرض الشركة بتسوى ١٠٠٠ شيكل (رقم خيالي. رقم سهل عشان نعمل حسابات سهلة. بالحقيقة بكون ملايين أو بلايين)

نفرض قررت الإدارة تقسّم الشركة ل١٠٠ قطعة

قدي بطلع ثمن كل قطعة؟

١٠ شيكل ⬅️ يعني، كل سهم قيمته ١٠

الشركة بتبيع هاي القطع (بتبيع جزء منها وبتحافظ على جزء منها)، وهيك بتجمّع الكاش اللي بدها اياه!
بالمقابل، اللي بشتري هاي القطع (الاسهم)، بربح الفرصة انو يبني ثروته منهن لما برتفع سعرهن.

يعني شو الاستنتاج؟ شو هو السهم؟

السهم هو قطعة من شركة!

(owner) اللي بشتري سهم بكون مبدئيًّا عندو مُلكيّة بالشركة

الشركة بتوخد كاش عشان تعمل مشاريعها، واللي اشترى الاسهم بربح منهن لما قيمة الشركة بترتفع، وهيك بكون وضع win-win للطرفين💪

صرتي تعرفي شو يعني سهم؟😁

اذا حابّة تعرفي كيف تشتري أسهم عشان تبني ثروة بأقلّ مخاطرة ممكنة - انضمّي لورشات الاستثمار بمنصّة "مالنا".
هناك منتعلّم الاستثمار الآمن بسوق الأسهم من الألف للياء، بالعربي، وببساطة. تفاصيل ورشات الاستثمار بصفحة "الورشات" بالموقع.